مفيش حد فاشل (هكذا كتبت الكاتبه /فرح راجي)
بقلم الصحفية:- ساره محمد علي .
الاسم:- فرح راجي
السن:-19
المحافظة:-القاهره
الموهبة:- كتابة خواطر وروايات وبكتب كتابات صغيرة
•ما العمل الذي تقومين بهِ؟
- بكتب خواطر وكتابات صغيره وكتبت روايتين بأسمي بس نزلتهم علي الفيس بس وأشتركت في كيان أرواح باهتة وأتكرمت بدرع من مؤسسة حكاية يافِث أرثر وأتكرمت كمان لما أشتركت في أول كتاب (الكهف المغلق) بدرع وبشهادتين
•ما هي أهم أعمالك؟
-أشتركت في 3 كتب خواطر مجمعة في معرض الكتاب لبسنت جاد(الكهف المغلق، هتون،هاوية النسيان) وكتبت روايتين بس نزلتهم علي الفيس بس و أشتركت في كيان أرواح باهتة
•من هو الشخص الذي تلقيتي منه الدعم لتحقيق حلمك؟
- نفسي أني حبيت أدخل المجال ده وماما وبابا وأخواتي وجزء من صحابي
•ما هي أصعب الأمور التي واجهتك لتحقيق حلمك؟
-أن ناس كتير بتشوف أني مش هوصل وفي الأول كانت فيه ناس كتير مش بتصدق أن الكلام ده أنا اللي بكتبه
•ما هو آخر عمل قمتي بهِ؟
-أشتركت في كتاب هاوية النسيان
•لمن تقرأين من الكُتّاب؟
-أحمد خالد توفيق، ساندرا سراج، يوسف الدموكي
•ما السبب وراء اندفاعك للكتابة، ومنذ متى بدأتي بها؟
-أن دايماً بحس أن عايزة أخرج كل اللي جوايا وأغلب اللي حواليا بيبقي عندهم اللي مكفيهم فبلجأ للكتابة وبخرج فيه كل الكلام اللي جوايا أو اللي مقدرش أحكيه لحد وبقيت بلاقي نفسي في الكتابة أكتر بمرور الوقت وأنها الحاجة الوحيدة اللي بتنقذني من كلام كتير جوايا
•ما النصيحة التي ترغبين في تقديمها لمثلك من الشباب؟
-أن مافيش حد فاشل حتي لو فشلت في طريق أكيد هيبقي فيه طريق تاني تنجح فيه وأن الدنيا مش هتقف علي حلم او شخص ولازم نكمل طول ما أحنا عايشين وأن لما هنلاقي الدنيا أسودت في وشنا ونفتكر أن دي النهاية ربنا هيفتح لينا باب وطريق مكناش شايفينه وهيكون ده طريق نجاحنا بس كل واحد فينا ليه طريق نجاح مختلف ليه♥️
تعليقات
إرسال تعليق